Дэлхийн хамгийн өндөр настай хүн болох Мариа Браняас Морера (АНУ/Испани) өчигдөр /2024.08.19/ таалал төгсжээ. Тэрбээр 117 жил 168 хоног насалсан бөгөөд түүхэн дэх найм дахь өндөр насалсан хүн болж байна.
Мариа сүүлийн хоёр арван жилийн турш оршин суусан Испанийн Каталони дахь асрамжийн газарт ертөнцийн мөнх бусыг үзүүлжээ. Тэрбээр 2023 оны 1 дүгээр сараас дэлхийн хамгийн өндөр настай хүн байсан юм. Мариа “Урт наслах нь азтай, бас ген сайн байна гэсэн үг” гэдэг байжээ. Түүний нөхөр нь 86 насалсан бөгөөд 2 хүүхэд, 11 ач, зээ, маш олон жич, гучтай гэнэ.
Сэтгэгдэл (0)
Сэтгэгдэл бичигдээгүй байна