Монголын соёл, аялал жуулчлал, мэдээлэл, худалдааны төв ХБНГУ-ын Фрайбург хотод албан ёсоор нээгдсэнтэй холбогдуулан Фрайбург хотын Соёл, олон улсын харилцаа, нийгэм хариуцсан нэгдүгээр дарга Ульрих фон Кирхбахын урилгаар Монголын талаас ирсэн зочид төлөөлөгчид тус хотын захиргаанд зочлов.
Арга хэмжээний үеэр Европт анх удаа соёл, худалдааны жишиг төв нээхэд дэмжлэг үзүүлсэнд талархал илэрхийлэн Засгийн газрын хэрэгжүүлэгч агентлаг, Жижиг, дунд үйлдвэрийн газрын нэрийг Фрайбург хотын “Хүндэт дэвтэр”-т бичиж алдаршуулжээ.
ХБНГУ-ын Фрайбург хотноо 1999 оноос өнөөдрийг хүртэл Монгол Улсаа сурталчлан таниулах үйлст эгч дүү С. Бадамханд, С. Бадамхорол, С.Бат-Отгон нарт Монгол Улсын Жижиг дунд үйлдвэрийн салбарынхан гүн талархал илэрхийлсэн байна.
Сэтгэгдэл (0)
Сэтгэгдэл бичигдээгүй байна