ДАВХАР ЭРҮҮГЭЭ ДАЛДЛАХ 5 ЗАЛЬ

Давхар эрүү бүсгүйчүүдийг ихээхэн овортой харагдуулж, сэтгэлээр унагадаг зүйлсийн нэг.Спортоор хичээллэж, эсвэл хоолны дэглэм барьж жингээ хасахгүйгээр хэрхэн давхар эрүүгүй харагдах вэ. Санааг чинь зовоогоод байгаа давхар эрүүг хэрхэн нуух талаар зөвлөгөө өгье.

1. Хувцаслалтаа зөв сонго

Хувцсаа зөв сонгох нь давхар эрүүгээ нуух гайхалтай арга. Давхар эрүүндээ олны анхаарлыг хандуулахгүйн тулд гүнзгий ухлаадастай хувцас өмс. Гэхдээ энэ нь хэт гүнзгий ухлаадастай гэсэн үг биш, харин цээж, хүзүүг үл ялиг ил харагдуулах хувцас гэдгийг санаарай. Нөгөө талаар ийнхүү хувцаслах нь загварлаг харагдах бөгөөд сонгодог стилийн өмд, банзал төдийгүй спорт хувцастай ч дажгүй хоршино.

2.Үсний засалтдаа анхаар .

Хүзүүг чинь далдлахгүй, давхар эрүүтэй чинь ойрхон налахгүй үс сонго. Үсээ хөвсийлгөх хэрэгтэй, ингэснээр давхар эрүүнээс чинь хүмүүсийн анхаарлыг холдуулах болно. Тухайлбал, угийг нь босгосон хөвсгөр үс тохиромжтой. Харин эрүүний хавьд үзүүр нь таарсан үс зохимжгүй бөгөөд энэ нь таныг бүр 3 эрүүтэй мэт харагдуулна.

3.Нүүрний будалт

Нүүрний будаггүйгээр давхар эрүүгээ далдлах боломж огт байхгүй. Хацар, шанаа, нүдээ тодотгосон нүүрний будалт хий. Нүдэндээ гэгээтэй өнгөтэй тень хэрэглэж болно. Харин хацартаа хөнгөн энгэсэг түрхэж, хэлбэрийг нь засан тодосго.Нүднийхээ будалтыг сайн хийсэн тохиолдолд бүгд түүнийг анхаарч, давхар эрүүг анзааралгүй өнгөрөх вий.

4.Уруул

Уруулын өнгө таны гадаад төрхөнд асар их нөлөө үзүүлдэг. Уруулдаа ямар өнгийн будаг хэрэглэх нь маш чухал. Давхар эрүүгээ нуухын тулд гүн улаан, хилэн ягаан гэх мэт тод өнгөөр уруулаа буд. Мөн уруул өнгөлөгч ч хэрэглэсэн болно. Уруулын тод будалтаас шалтгаалан хүмүүс таны царайд л анхаарахаас биш, харин нүүрний тоод хэсгийг анзаарах нь бага байна.

5.Шанаагаа тодруулах

Нүүрний ерөнхий хэлбэр, хацар, нүд, уруул тодруулахаас гадна шанааны хэсгээ илүү тодруулан будаж болно. Үүнийг хацар өнгөлөгчийн тусламжтайгаар хийж болно. Хэрвээ та боровтор царайтай бол дулаахан боронзон маягийн өнгөөр шанаагаа тодруулж болно. Харин цайвар царайтай бол дунд зэргийн бор шаргал өнгийг сонгох хэрэгтэй. Ийнхүү шанааг тодруулсан тохиолдолд давхар эрүү анхааралд өртөхгүй үлддэг.