Зун цаг ирж, хөнгөн нимгэн хувцасаа өмсөх гээд жингээ хасах шаардлага гарч байна уу. Турна гэдэг бол нэг талаасаа уйгагүй хөдөлмөрийн үр дүн юм. Харин энэ удаад бид танд “залхуу” хүмүүст зориулсан тураах жорыг хүргэж байна. Энэ дэглэм тун энгийн. Та хооллох бүрийнхээ өмнө 2 аяга цэвэр ус уухад л болно. Яг л 2 аягыг шүү. Ийнхүү ууснаасаа 15-20 минутын дараа хоолоо идэж болно. Ингэхдээ мөн энгийн нэг дүрмийг баримтална. Хоол идэж байхдаа болон идсэнээсээ хойш 2 цагийн дотор ямар нэгэн шингэн зүйл ууж огт болохгүй.
Дэглэмийн 2 үндсэн зарчим нь ердөө л энэ.
-Хоол идэхээс 15-20 минутын өмнө 2 аяга цэвэр ус уух.
-Хоол идэх явцдаа болон идсэнээс хойш 2 цагийн дотор шингэн зүйл уухгүй байх.
Харин хооллосноосоо хойш 2 цагийн дараа та өөрийн дуртай цай, кофегоо ууж болно.
Дэглэмийг сахихад илүү хялбар болгохын тулд бид ерөнхий нэг жор зааж өгье.
Өглөөний цай: 2 аяга ус ууна. 15-20 минутын дараа юу хүссэн зүйлээ иднэ. Үүнээс хойш 2 цагийн туршид ямар нэгэн шингэн зүйл уухгүй.
Өдрийн хоол: 2 аяга ус ууна. Мөн л хоол хориглохгүйгээр юу хүссэнээ иднэ. Хооллох явцдаа болон үүнээс хойш 2 цагийн туршид шингэн зүйл уухгүй.
Оройн хоол: 1 аяга ус ууна. Хэрвээ хүсвэл 2 аягыг ч ууж болно. Мөн л хүссэн зүйлээ иднэ. Хооллох явцдаа болон үүнээс хойш 2 цагийн туршид шингэн зүйл уухгүй.
Хэрвээ та гэнэт үдээс хойш ч юм уу хоол идмээр санагдвал үүнээс 15-20 минутын өмнө 2 аяга ус уухаа битгий мартаарай. Харин идэх зүйл чинь печень, зууш зэрэг багахан хэмжээтэй бол 1 аягыг уусан ч болно.
Энэхүү хоолны дэглэм үнэхээр үр дүнтэй гэдгийг хэлэхэд таатай байна. Уг дэглэмийг баримтлаад л үр дүнг нь хараарай. Харин хааяа баримтлаад заримдаа ус уухаа мартвал үр дүн үзүүлэхгүй гэдгийг сануулах нь илүүц биз.
Сэтгэгдэл (0)
Сэтгэгдэл бичигдээгүй байна