Роналдогийн энэ үйлдлийг хянаж үзнэ

Өчигдөр Саудын Арабын лигт “Аль Шабаб”-ын талбайд “Аль Наср” зочлон 2:3-аар Криштиано Роналдогийн баг хожлоо. Ингэснээр лигийнхээ аман хүзүүнд бичигдсэн хэвээр байна.
Роналдо багийнхаа эхний гоолыг оруулсныхаа дараагаар зохисгүй гэж хэлж болохуйц хөдөлгөөн хийсэн байна. “Аль Шабаб”-ын фанатууд түүний зэвүүцлийг төрүүлэхийн тулд “Месси, Месси, Месси!!!” хэмээн орилолдсон тул Роналдо хариуг нь өгөхдөө бичлэг дээрх үйлдлийг хийжээ.
Үүнийг Саудын Арабын Хөлбөмбөгийн Холбоо хянаж үзэхээр болсон сурагтай. Хэрвээ зохисгүй үйлдэл гэж үзвэл дүрмийн дагуу шийтгэл ногдуулах ажээ.
Роналдо Саудын Арабын лигийн энэ улиралд 20 тоглолтод гарахдаа 22 гоолтойгоор мэргэн буучдын жагсаалтыг тэргүүлж буйгаас гадна 10 гоолын дамжуулалт өгөөд байна.
“Аль Шабаб”-ыг хожсон тоглолтын дараагаар “Эцсээ хүртэл тэмцэнэ. Зогсолтгүй урагшилсаар байх болно” хэмээн өгүүлжээ.

See less