Төрийн байгуулалтын байнгын хороо Ерөнхий сайд Л.Оюун-Эрдэнэд итгэл хүлээлгэх тухай УИХ-ын тогтоолын төслийг хэлэлцээд нууц санал хураалт явуулахад хуралдаанд оролцсон 23 гишүүний 17 нь буюу 73.9 хувь нь Ерөнхий сайдад итгэл хүлээлгэхийг зөвшөөрч, 6 нь буюу 26.1 хувь нь итгэл хүлээлгэхээс татгалзсан байна.
УИХ-ын гишүүн Б.Баярбаатарын нууцаар, бичгээр санал хураалт явуулах горимын санал гаргасныг байнгын хорооны гишүүдийн олонх нь дэмжиж, нууцаар саналаа өгсөн юм. Мөн Ерөнхий сайд Л.Оюун-Эрдэнэ өөрөө санал хураалтад оролцох нь зохимжгүй гэж үзэж, нэрийг нь хасахыг хүссэнийг ёсоор болгов.
УИХ-ын чуулганы нэгдсэн хуралдаанаар Ерөнхий сайд Л.Оюун-Эрдэнэд итгэл хүлээлгэх эсэх асуудлыг өнөөдөр хэлэлцэж, шийдвэрлэнэ.
Сэтгэгдэл (0)
Сэтгэгдэл бичигдээгүй байна