Францын France Football сэтгүүлээс жил бүр уламжлал болгон шалгаруулдаг Оны шилдэг хөлбөмбөгчийн “Алтан бөмбөг” шагналыг Испанийн шигшээ болон Английн “Манчестер Сити”-гийн хагас хамгаалагч Родри хүртсэн.
Тэгвэл энэхүү шагналыг Аваргуудын лигийн аварга Испанийн “Реал Мадрид”-ын тоглогчдоос, тэр дундаа Винисиусийг хүртэх ёстой байсан гэсэн бодолтой хүмүүс бас байгаа нь тодорхой харагдсан. Мадридын клуб ч үүнд эгдүүцэн, ёслолд очоогүй билээ. “Реал Мадрид”-ын англи тоглогч Жүд Бэллингэм энэ талаар бодлоо хэлжээ.
“Үнэндээ би “Алтан бөмбөг” бодож адгадаггүй. Энэ шагналыг довтлогч юмуу жигүүрийн хагас хамгаалагч зэрэг тоглолтыг үзүүштэй сайхан болгодог тоглогчдод илүү зохицдог гэж боддог юм.
Тийм ээ, би ч гэсэн үзэгчдийг цэнгүүлж, үзүүштэй тоглож чадна. Гэхдээ Вини шиг бол чадахгүй. Вини яг формдоо орсон үедээ Дэлхийн шилдэг нь. Вини болохоор намайг мөн яг ингэж хэлнэ гэдгийг би мэдэж байна. Гэхдээ түүний тэдгээр үгс бол зөвхөн найзын найрсаг зан төдий” хэмээн Бэллингэм өгүүлжээ.
Сэтгэгдэл (0)
Сэтгэгдэл бичигдээгүй байна