Зургадугаар сард мөнгөний нийлүүлэлт болон банкны зээлийн өсөлт үргэлжилж, системийн зээлийн чанар тогтвортой хадгалагдлаа. Мөнгөний нийлүүлэлтийн өсөлтөд гадаад цэвэр актив голлон нөлөөлсөн бол зээлийн өсөлтөд худалдаа, ипотекийн, хэрэглээний болон барилгын салбарын зээл түлхүү хувь нэмэр оруулав. Харин зээл болон хадгаламжийн хүү өмнөх сарын түвшинд хэвээр байна.
1. Мөнгөний нийлүүлэлт (M2)
Мөнгөний нийлүүлэлт 53.1 их наяд төгрөгт хүрч, өмнөх оны мөн үеэс 25.8 хувь өмнөх сараас 2.8 хувиар өслөө.
Жилийн өсөлтийн 15.5 нэгж хувийг гадаад цэвэр актив, 10.3 нэгж хувийг дотоод цэвэр актив тус тус бүрдүүлжээ.
2. Банкуудын зээл
Банкуудын нийт зээлийн үлдэгдэл 49.0 их наяд төгрөгт хүрч, өмнөх оны мөн үеэс 15.9 хувь, өмнөх сараас 3.6 хувиар өсөв.
Зээлийн чанарыг авч үзвэл, анхаарал хандуулах зээл нийт зээлийн 2.5 хувь, чанаргүй зээл 5.0 хувийг эзэлж байна.
3. Банкуудын жигнэсэн дундаж хүү (ЖДХ)
Тус сард шинээр татсан төгрөгийн хадгаламжийн ЖДХ 11.1 хувь байв. Мөн шинээр олгосон төгрөгийн зээлийн ЖДХ 17.6 хувь байна.
4. Ипотекийн зээл
Ипотекийн зээлийн үлдэгдэл 12.3 их наяд төгрөгт хүрч, жилийн өсөлт 18.8 хувьтай гарлаа.
Мөн сард 1,916 зээлдэгчид 316.7 тэрбум төгрөгийн зээл олгосноос хөтөлбөрийн хүрээнд 572 зээлдэгчид 81.0 тэрбум төгрөг олгожээ.
5. Бичил, жижиг, дунд үйлдвэрлэл (БЖДҮ) эрхлэгчдийн зээл
БЖДҮ эрхлэгчдэд олгосон зээлийн үлдэгдэл жилийн 23.1 хувиар өсөж, 11.8 их наяд төгрөгт хүрэв.
Сэтгэгдэл (0)
Сэтгэгдэл бичигдээгүй байна