ХООШЁОРЮҮГИЙН ЗУРГИЙГ GUARDIAN ОНЦОЛЖЭЭ

Дэлхий даяар энэ долоо хоногт болсон онцлох үйл явдлуудын 20 зургийг Guardian онцолсны дотор Ёкозүна Хоошёорюү С.Бямбасүрэнгийн энэхүү зураг оржээ. 

Английн Лондон хотын Royal Albert Hall ордонд болсон Лондон башёгийн сүүлийн өдөр Ёкозүна Хоошёорюү Бямбасүрэн ижил амжилттай явсан Оносатог ялж, барилдаанд түрүүлэхийн өмнө давс шидсэн энэ агшныг The Guardian-ы Том Женкинс гэрэл зургийн дурандаа буулгасан байна.  

Сүмо бөхийн холбооны 100 жилийн ойн хүрээнд 2025 оны аравдугаар сарын 15-19-ний өдрүүдэд зохион байгуулсан Лондон башё сүмо сонирхогч Европын иргэдийн анхаарлыг ихэд татаж, талархал хүлээсэн юм. 

Сүмочид 2005 онд АНУ-ын Лас Вегаст,  Лондон хотод 1991 онд үзүүлэх тоглолт хийж байснаас хойш олон жилийн дараа ийнхүү башё зохион байгуулсан билээ.