ЦАГААН ХЭРЭЭ

Энгийн л нэгэн хар хэрээ зоогийн газарт ороод тээр буланд цагаан хэрээ сууж буйг ажиглажээ. 

Тэр түрийвчээ гарган захиалга өгөхдөө чангаар “Үйлчлэгч ээ! Тэр цагаан хэрээнээс бусад энд байгаа бүгдэд зориулж хоол захиалъя.” гэв. 

Үйлчлэгч мөнгийг аваад хэлсэн ёсоор нь цагаан хэрээнээс бусдад хоол авчирч өглөө. 

Хачирхалтай нь цагаан хэрээ эвгүйцсэн шинжгүй, харин ч хар хэрээ рүү харж инээмсэглэн “Баярлалаа” хэмээн хашгирав. 

Энэ нь хар хэрээг улам ч бачимдан хорсоход хүргэжээ.

Тэр дахин түрийвчээсээ мөнгө гаргаад “Үйлчлэгч ээ! Энэ удаад би тэр цагаан хэрээнээс бусдыг нь дарсаар дайлъя.” гэж орилов.

Үйлчлэгч дахиад л мөнгийг нь авч, цагаан хэрээнээс бусдынх нь өмнө дарс авчирч тавилаа. 

Гэвч цагаан хэрээ уурласангүй, харин ч “Баярлалаа” хэмээн илүү тод хэлэх нь тэр. 

Хар хэрээ уур бухимдалдаа тэсрэх шахаж рестораны лангуу руу дөхөж очоод “Энэ цагаан хэрээ яагаад байна. Би ганцхан түүнийг үлдээгээд бусдыг нь хоол, дарсаар дайлсан. Гэтэл тэр хариуд нь баярлалаа гээд байх юм. Тэр солиотой юм уу, хаашаа юм бэ?” гэж асуулаа. 

Үйлчлэгч толгой сэгсрэн инээмсэглээд “Үгүй ээ, тэр энэ зоогийн газрын эзэн юм” хэмээн хариулжээ.

Уур уцаараас хол бай, энэ нь таныг шархлуулах болно.  

Хэрвээ таны зөв бол уурлаж хорсох хэрэггүй. 

Хэрвээ таны буруу бол танд уурлах эрх байхгүй.

Гэр бүлдээ тэвчээртэй байна гэдэг бол хайрын илэрхийлэл юм.

Найз нөхөдтэйгээ тэвчээртэй харилцах нь хүндлэл юм.

Өөртөө тэвчээртэй хандах нь өөртөө итгэх итгэл юм. 

Амьдралд тохиолддог сорилт бэрхшээл бүр нь бидэнд туршлагажих, өөрчлөгдөх, магадгүй илүү сайжрах боломжийг олгож байдаг.