Айдас бол сул дорой байдал биш. Хэрвээ айдас чамайг бууж өгч, өөрийн хүчээ гаргахгүй нөөхөд хүргэж, эцэст нь чи улам бүр өчүүхэн жижиг болж байвал - энэ бол сул дорой байдал юм.
Амьдралыг мэдэхийн тулд амьдрах л хэрэгтэй. Ойр дотныхонтойгоо болон бусад хүмүүстэй зөрчилдөхөөс өөрийгөө бүү хамгаал, аюул эрсдэлээс айж, хөнгөн замыг бүү хай, хариуцлагаас битгий зугт, надад хамаагүй, цагийн салхи намайг дайрахгүй гэж бүү бод.
Дэргэд нь жижигхэн, тэнэг, “зэвсэггүй” байхаас айдаггүй, бүх зүйлээ нүцгэн үнэнээр нь дэлгэж чадах хүн чиний амьдралд бий юу? Энэ хүн чиний хамгаалалт юм.
Чимээгүй байх нь хүний сэтгэл зүрх, дотоод ертөнцийн онцгой байдал юм. Бид зөвхөн анир чимээгүйд л байгалийн нэгээхэн хэсгийг, далайн дуслыг тов тод мэдэрдэг мэт санагддаг. Гоо үзэсгэлэнг чимээгүй байдлаас гадуур мэдрэх боломжгүй.
Сайхан сэтгэлийн угаас гарсан ганцхан үг л хэн нэгнийг жигүүртэй мэт болгоход хангалттай. Гэхдээ энэ үгийг хүний амьдралд цагаа олж хэлэх нь маш чухал.
Евгений Леонов /Хүүдээ бичсэн захидлаас/
Сэтгэгдэл (0)
Сэтгэгдэл бичигдээгүй байна