Олон хэвлэлийн таамаглаж байсанчлан Бен Аффлек, Жэй Ло нарын харилцаанд төгсгөл иржээ. Лос-Анжелесийн Дээд шүүхийн мэдэгдэлд тэднийг аль дөрөвдүгээр сард гэр бүлээ албан ёсоор цуцлуулсныг дурдсан байна.
Хэдийгээр Жэй Ло болон Бен Аффлек нар энэ зун хүртэл Аффлекийн хүүгийн төгсөлт дээр хамт очиж, нэг нэгнээ налж, хуруундаа хуримын бөгжтэй хэвээр байсан ч гэлээ аль хэдийн салчихсан байжээ.
Женнифер Лопес салах өргөдлөө өгснөөр тэдний гэр бүлийн харилцаа дуусгавар болсон гэнэ. Бен Аффлекийн ганцаараа гундуухан яваа гэрэл зургуудыг папаццчид хэвлэлээр дэлгэн тавьж байхад л тэдний харилцаа дуусч байж. Хамтын өмч хөрөнгөө зарж, одоо 60 сая ам.долларын үнэтэй харшаа зарахаар бэлдэж байгаа ажээ.
Бен Аффлек, Жэй Ло хоёр анх 2000-аад оны эхээр танилцаж, хосууд болсон юм. Гэвч хоёр гурван кинонд хамтдаа тоглосны дараагаар харилцаагаа тасалсан. Харилцаагаа тасалснаа олон нийтийн дарамт шахалттай холбоотой гэж ярилцлагадаа дурдаж байсан удаатай.
Тэгвэл 20 жилийн дараа буюу 2022 онд тэд дахин гэрлэж, хоёр ч хурим ойрхон хийсэн юм. “Хайр сэтгэл бол хамгийн сайхан зүйл. Хайр сэтгэл бол хамгийн гэгээн. Тэгвэл мөн хайр сэтгэл тэвчээртэй юм байна гэдгийг мэдэж авлаа. 20 жил тэвчсэн хайр минь” хэмээн Женнифер Лопес эхний хуримынхаа дараагаар пост оруулж байлаа.
52 настай Бен Аффлек өмнө нь Женнифер Гарнертай гэрлэж, гурван хүүхэдтэй болсон ч 2018 онд салсан юм. Харин 55 настай Женнифер Лопес гурван удаа гэрлэсэн. 1997-1998 онд Ожани Ноатай, 2001-2003 онд Крис Жаддтай гэрлэж, хамтдаа амьдарч байгаад Марк Энтонитой дараа нь нийлж, хоёр ихэр хүүхэд төрүүлсэн нь одоо 14 настай болжээ. Харин Марк Энтонигоос салснаасаа хойш алдарт бэйсболч Алекс Родригестой дөрвөн жил хамтдаа амьдарч байлаа.
Сэтгэгдэл (0)
Сэтгэгдэл бичигдээгүй байна