МОНИКА БЕЛЛУЧЧИГИЙН 60 НАСНЫ ТӨРСӨН ӨДРӨӨР КАССЕЛЬ ХОВОР ЗУРАГ ДЭЛГЭВ

Хүн төрөлхтний түүхэн дэх хамгийн үзэсгэлэнтэй жүжигчдийн тоонд нэрлэгддэг Моника Беллуччи өнөөдөр /2024.09.30/ 60 нас хүрлээ.
Түүний нөхөр асан, нэрт жүжигчин, найруулагч Венсан Кассель энэ өдрийг тохиолдуулан хэдэн жилийн өмнөх ховор нэгэн зургийг сошиалд дэлгэжээ. 
Зураг дээр Моника Беллуччи охин Дева болон Леонигийнхоо хамт замд явна. Зургийн тайлбарт “Моника, төрсөн өдрийн мэнд”, “Гэр бүл” гэж Кассель бичжээ. 
Сошиал хаягийг дагагчид энэхүү зургийн дор сэтгэгдэл бичихдээ “Хэн хэнээ хэрхэн хүндлэхийн үлгэр жишээ болсон хүмүүс. Хүүхдүүдэд чинь та хоёрын энэ харилцаа ямар их үнэ цэнэтэй байдаг бол” гэж нэгэн бичсэн бол “Та нар хэзээд хамгийн сайхан гэр бүл чигээрээ байх болно” гэж өөр нэгэн тэмдэглэжээ.
Моника Беллуччи, Венсан Кассель нар 1999 онд The Apartment киноны зураг авалтын үеэр танилцаж, гэрлэсэн. 
Харин 2013 оны наймдугаар сард гэр бүлээ цуцлуулснаа зарласан юм. 
Одоо Венсан Кассель Нара Баптистатай хамт амьдарч буй бол Моника Беллуччи найруулагч Тим Бертонтой хамт амьдрах болсон.